საქართველოს საპატრიარქოს მესტიაში მიწები და შენობა-ნაგებობები უსასყიდლოდ გადაეცა. 

მთავრობის განკარგულება სახელმწიფო საკუთრებაში არსებული უძრავი ქონების საქართველოს სამოციქულო ავტოკეფალური მართლმადიდებელი ეკლესიისათვის უსასყიდლოდ საკუთრებაში გადაცემის ფორმით პრივატიზების შესახებ, მთავრობის ადმინისტრაციის ვებ-გვერდზეა გამოქვეყნებული. 

განკარგულების თანახმად, მართლმადიდებელ ეკლესიას უსასყიდლოდ გადაეცა დაბა მესტიაში მდებარე 1 124 კვ/მ არასასოფლო-სამეურნეო დანიშნულების მიწის ნაკვეთი და მასზე განთავსებული შენობა-ნაგებობები №1, №2 (უძრავი ქონების საკადასტრო კოდი: №42.06.40.050).

განკარგულების შესრულების მიზნით კანონმდებლობით გათვალისწინებული ღონისძიებების განხორციელება  სახელმწიფო ქონების ეროვნულმა სააგენტომ უნდა უზრუნველყოს.