შსს-მ სოციალურ ქსელ ფეისბუქის მომხმარებლების გვერდებზე უნებართვო შეღწევის და ე.წ. ფიშინგ ვებ-გვერდის დამზადების ფაქტები გახსნა. სისხლის სამართლის პასუხისგებაშია მიცემული ორი პირი – 1992 წელს დაბადებული ვასილ ქ. და 1983 წელს დაბადებული რაინდი კ.
შინაგან საქმეთა სამინისტროს ცნობით, ისინი სხვადასხვა პროგრამული უზრუნველყოფის საშუალებით შედიოდნენ სოციალური ქსელის სხვადასხვა მომხმარებლის პროფილებზე კომპიუტერული მონაცემების უკანონოდ მოპოვების, შენახვის და კომპიუტერულ სისტემაში უნებართვოდ შეღწევის მიზნით
გამოძიებით დადგინდა, რომ მათ უკანონოდ მოიპოვეს, შეაღწიეს და დაშვების პაროლები შეუცვალე Facebook-ის მომხმარებლებს. შემდეგ აღნიშნული მომხმარებლების სახელით, მათი პროფილებიდან რეკლამებს პოსტავდნენ, რაშიც რეკლამის დამკვეთისაგან ანაზღაურებას იღებდნენ. რაინდი კ-ს ბინის ჩხრეკისას ამოღებულ კომპიუტერულ სისტემებში აღმოჩენილია უკანონოდ მოპოვებული, ფეისბუქის 1210 მომხმარებლის სახელი და პაროლი.
ამჟამად მიმდინარეობს სოციალურ ქსელ ფეისბუქის მომხმარებლებისთვის პროფილების დაბრუნება.