ქალაქ ზუგდიდში საქართველოს ფოსტის რიგით 11 განახლებული სერვისცენტრი გაიხსნა, სადაც მომხმარებლებს საშუალება ექნება უნივერსალური მომსახურებით ისარგებლონ. როგორც საქართველოს ფოსტაში აღნიშნავენ, ახალი სერვისცენტრი თანამედროვე ავეჯითა და ტექნიკით აღიჭურვა, ამასთან ავტომატიზირებული სერვის ცენტრები მნიშვნელოვნად გაზრდის მომსახურების ხარისხს. ამასთან, უზრუნველყოფენ მომხარებლებისთვის მაქსიმალურ კომფორტს.
საქართველოს ფოსტის ახალი სერვისცენტრის გახსნას კომპანიის გენერალური დირექტორი ლევან ჩიკვაიძე ადგილობრივი ხელისუფლების წარმომადგენლებთან ერთად დაესწრო.
საქართველოს ფოსტა ერთ-ერთი ყველაზე დიდი დამსაქმებელია. დასაქმებულთა რაოდენობა 2673 ადამიანს შეადგენს.