შეზღუდული შსაძლებლობის მქონე პირთა საკითხების მედიაში გაშუქებისა და ეთიკის სტანდარტების შესახებ ზუგდიდის დემოკრატიული ჩართულობის ცენტრში შეხვედრა გაიმართა, რომელსაც ადგილობრივი უწყებების საზოგადოებასთან ურთიერთობის სამსახურების, საზოგადოებრივი ორგანიზაციებისა და მედიის წარმომადგენლები ესწრებოდნენ. დამსწრეეებმა შეზღუდული შესაძლებლობის მქონე პირთა პრობლემის მედიაში გაშუქებისა და ცნობიერების ამაღლების შესახებ რეგიონში არსებულ ვითარებაზე და პრობლემის გადაჭრის შესაძლო გზებზე ისაუბრეს. შეხვედრა, რომელიც დაახლოებით ორი საათი გაგრძელდა, მთლიანად დისკუსიის რეჟიმში წარიმართა.შეხვედრის დასასრულს ორგანიზატორებმა დამსრეებს სპეციალური კლიპი უჩვენეს რომელიც შეზღუდული შესაძლებლობის მქონე პირების სამედიცინო სერვისებზე ხელმისაწვდომობის ფარგლებში დამზადდა.