„ზღვაში გამოჩენილი განსაკუთრებული სიმამაცისთვის“ – ასე ქვია სიგელს, რომლითაც საერთაშორისო საზღვაო სააგენტომ ადრიატიკის ზღვაში ტრაგიკულად დაღუპული არქიმანდრიტი მამა ილია კარტოზია დააჯილდოვა სიკვდილის შემდგომ.
დღეს დილით ეს ჯილდო ილია კარტოზიას ძმას გადასცა ეკონომიკის მინისტრმა დიმიტრი ქუმსიშვილმა, რომელმაც იგი გასულ კვირას ლონდონში ვიზიტად ყოფნისას ჩაიბარა საერთაშორისო საზღვაო სააგენტოსაგან.
საქართველოს საზღვაო ტრანსპორტის სააგენტოს ინფორმაციით, ასეთი დონის საზღვაო ჯილდო აქამდე საქართველოს არც ერთ მოქალაქეს არ მიუღია.
ილია კარტოზია შარშან იტალიურ ბორანზე Norman Atlantic-ზე გაჩენილი ხანძრის დროს დაიღუპა. მან სამაშველო ნავზე თავისი ადგილი ბავშვიან ქალბატონს დაუთმო და თავად გემბანზე დარჩა.