"რიმყოფინე 1 ლარი და 18 თეთრი", – ამ სახელწოდებით გაიმართა დღეს "თავისუფალი დემოკრატების" ახალგაზრდული ფრთის მიერ ორგანიზებული აქცია, როგორც რეაქცია თბილისის საკრებულოს წევრის რიმა ბერაძის გახმაურებულ განცხადებაზე მისი თანაგუნდელების ხელგაშლილობაზე სოციალურად დაუცველთა მინიმალური საჭიროების დაკმაყოფილების საკითხში.
აქციის მონაწილეებს საკრებულოსთან მიტანილი ჰქონდათ ერთჯერად თეფშებზე დაწყობილი 1 ლარისა და 18 თეთრი ღირებულების საკვები პროდუქტი – ერთი ნაჭერი პური, ერთი ნაჭერი ძეხვი და ერთი ცალი ორცხობილა.