დიდთოვლობის გამო კვლავ შეზღუდვებია ზუგდიდი-ჯვარი-მესტია-ლასდილის საავტომობილო გზაზე – კმ147-კმ188 (მულახი-უშგული) მონაკვეთში აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა. დანარჩენი სახის ავტოტრანსპორტის მოძრაობა თავისუფალია.- ინფორმაციას ამის შესახებ საავტომობილო გზების დეპარტამენტი ავრცელებს.
შეზღუდულია მოძრაობა მცხეთა–სტეფანწმინდა–ლარსის კმ80-კმ136 (მლეთა-დარიალის ხეობა) მონაკვეთზე, ლიპყინულის გამო დასაშვებია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა მოცურების საწინააღმდეგო ჯაჭვების გამოყენებით, ხოლო გუდაური (ფოსტა) –კობის მონაკვეთზე მოცურების საწინააღმდეგო ჯაჭვების გამოყენებით მოძრაობა დასაშვებია დანარჩენი სახის ავტოტრანსპორტისათვისაც . ორი და მეტი წამყვანი ხიდის მქონე ავტოტრანსპორტის მოძრაობა თავისუფალია.ამავე გზის კმ134-კმ135 (დარიალის ხეობა) მონაკვეთში ავტოტრანსპორტის მიმოსვლისას იკრძალება მათი გაჩერება.