ევროკომისიის დასკვნის გამოქვეყნებამდე თითქმის ერთი თვით ადრე ევროპარლამენტარები იმ გამოწვევებს ასახელებენ, რომელიც საქართველოში დემოკრატიას აქვს.
ქვეყნის მიერ ასოცირების შეთანხმების ვალდებულებების დაცვის პარალელურად, დებატების დროს დეპუტატები აცხადებენ, რომ საქართველოში აქტუალურ პრობლემად ისევ რჩება შერჩევითი სამართალი. განცხადებები გაკეთდა რუსთავი 2 -ის წინააღმდეგ მიმდინარე სამართლებრივ ბრძოლასა და მედიის თავისუფლების დაცვის აუცილებლობაზე.
მედიის თავისუფლებისა და პოლიტიკური პლურალიზმის დაცვა ევროპარლამენტარების განცხადებით გადამწყვეტი იქნება მომავალი საპარლამენტო არჩევნებისთვის, რომელიც ქვეყანაში ასოცირების შეთანხმების ხელმოწერის შემდეგ პირველად ტარდება.
ევროდეპუტატები ქვეყანაში არსებულ არაფორმალური მმართველობის პრობლემაზეც მიუთითებენ.