სიგარეტსა და ალკოჰოლზე ფასი გაიზრდება. საგადასახადო კოდექსში მთავრობის მიერ ინიცირებული ცვლილებების პროექტი დღეს პარლამენტმა განიხილა. მისი დამტკიცების შემთხვევაში ახალი წლიდან სიგარეტზე ფასი 20 თეთრით, ალკოჰოლურ სასმელებზე კი 10-15 თეთრით გაძვირდება.
როგორც საკანონმდებლო ინიციატივის ავტორები აცხადებენ აქციზზე ფასის მატება საქართველოს მიერ ევროკავშირთან აღებული ვალდებულების ნაწილია, რომლის თანახმად 2024 წლისთვის 1000 ღერი სიგარეტის ფასი 90 ევრომდე უნდა გაიზარდოს.
კანონპროექტის მიღება დაახლოებით 90 მილიონი ლარით გაზრდის 2016 წლის ბიუჯეტის საშემოსავლო ნაწილს.