ხალიფატის სახელით სამშობლოს ქართველი ბიჭები ემუქრებიან. მშობლები თვლიან, რომ ისინი ტრეფიკინგის მსხვერპლნი არიან

0
449

ინტერნეტში ქართველი ხალხის მიმართ ტერორისტული დაჯგუფება "ისლამური სახელმწიფოს" სახელით გავრცელებულ ვიდეომიმართვაში ქართულ ენაზე მოსაუბრე პირები იდენტიფიცირებულნი არიან. 

ინტეპრესნიუსის ცნობით, ერთ-ერთი მონაწილის ბადრი ირემაძის დედის განცხადებით, მისი შვილი საქართველოდან აგვისტოს ბოლოს წავიდა და  წასვლისას უთხრა, რომ თურქეთში ჩაის საკრეფად მიდიოდა, რათა ვალები გადაეხადა. მშობელმა მალევე გაიგო ერთერთი სირიაში წასული მერძოლის ოჯახის მეშვეობით, რომ იგი სინამდვილეში სირიაში წასულა. ბადრი ირემაძე 32 წლისაა, ორი წლის წინ დაოჯახდა, ორი თვის წინ კი შვილი შეეძინა, თუმცა ცოლთან გარკვეული უთანხმოება ჰქონდა. 

 გუშინ გამოქვეყნებული ვიდეოს კიდევ ერთი  მონაწილის მამუკა ანთიძის მამა აცხადებს, რომ მისი შვილი საზღვრის გადაკვეტამდე ქართული სპეცსამსახურების მიერ აღრიცხვაზე იყო აყვანილი ვიდეოს კიდევ ერთ მონაწილესთან ხვიჩა გობაძესთან და სხვებთან კავშირის გამო. თამაზ ანთიძის თქმით, საზღვრის გადაკვეთაში ის თავად დაეხმარა შვილს, რადგან დარწმუნებული იყო, რომ იგი  სამუშაოდ მიდიოდა თურქეთში და არა სირიაში საბრძოლველად. 

თამაზ ანთიძე შვილის სირიაში წასვლაში თავის დისშვილს, მირიან ბერიძეს, სოფელ ზოტის იმამს ჯემალ ართმელაძეს და ხვიჩა გობაძეს ადანაშაულებს და თვლის, რომ იგი ტრეფიკინგის მსხვერპლია. 

მამუკა ანთიძე 23 წლისაა, წასვლამდე  ბათუმის ონკოლოგიურ საავადმყოფოში  მუშაობდა აიტი სპეციალისტად, დამთავრებული აქვს ბათუმის უნივერსიტეტის  კომპიუტერული ტექნოლოგიების ფაკულტეტი, სსაშუალო განათლება კი  გურიის სოფელ ნასაკირალში აქვს მიღებული, სადაც მისი ოჯახი ცხოვრობს. დაოჯახებულია.

 
 

წინა სტატიაეგვიპტეში მომხდარი ტერაქტების შედეგად 3 პოლიციელი გარდაიცვალა
შემდეგი სტატიარუსეთი და თურქეთი დიპლომატიური ურთიერთობების გაწყვეტის ზღვარზე?
ტელეკომპანია ოდიშის საინფორმაციო სამსახური