ზუგდიდის მერიის ინფორმაციით, დღეს გორის ქუჩა#2-ში მდებარე საცხოვრებელი კორპუსში ჭერი ნაწილობრივ ჩამოინგრა.
ჩამონგრევა კორპუსის კორიდორის ნაწილში მოხდა. ნგრევის შედეგად არავინ დაშავებულა. შემთხვევის ადგილზე გასულმა მერიის შესაბამისი სამსახურის წარმომადგენლებმა ჩამონგრეული ნაწილის გაწმენდითი სამუშაოები ჩაატარეს.
კერძოდ, შენობიდან გატანილ იქნა ნაშალი მასა. ქალაქის მერია კორპუსის სახურავისა და კორიდორის რეაბილიტაციას მაქსიმალურად მცირე ვადებში განახორციელებს, სოციალური სამსახური კი აღნიშნულ კორპუსში მცხოვრები მოქალაქეების შესაბამის პროგრამებში ჩართვას უზრუნველყოფს.