ისლამისტების 10 კაციანი ჯგუფი სასტუმრო რედისონში შეიჭრა და 170 ადამიანი მძევლად აიყვანა. ამ წუთებში სასტუმროს მეშვიდე სართულზე სროლის ხმა ისმის. შენობა სპეცრაზმის ალყაშია. თვითმხილველა განცხადებით შემთხვევის ადგილიდან დაჭრილები სასწრაფო დახმარების მანქანებით გაჰყავთ. არიან გარდაცვლილებიც. ამ დროისთვის 6 ადამიანია დაღუპული. ვარაუდობენ, რომ მძევალთა შორისაა აფრიკის უმდიდრესი ადამიანი – ნიგერიელი მაგნატი ალიკო დანგოტე, რომლის ქონება 14, 7 მილიარდი დოლარის ღირებულებისაა. ეს ქონება მას შაქრითა და ფქვილით ვაჭრობითა აქვს შეძენილი. ადგილობრივი მედიის ცნობით, ალიკო დანგოტე ბომაკოში მალის პრეზიდენტთან მოლაპარაკებებზე იყო ჩასული.
სასტუმრო ქალაქის ცენტრში მდებარეობს, სადაც ასევე სამთავრობო დაწესებულებები და საელჩოებია განთავსებული. შეერთებული შტატების დიპლომატიურმა მისიამ ბამაკოში მყოფ თავის მოქალაქეებს ტვიტერის ქსელის საშუალებით მოუწოდა ქუჩაში არ გავიდნენ.