"ევრაზიის თანამშრომლობის ფონდის" კვლევაში, რომელიც ევროკავშირის მიმართ მოსახლეობის დამოკიდებულებას და ცოდნას ეხება, ერთ-ერთი კითხვა შეეხება მოქალაქეთა დამოკიდებულებას სხვადასხვა პოლიტიკური პარტიების მიმართ.
კვლევის შედეგად, კითხვაზე – როგორია მათი დამოკიდებულება "ქართული ოცნება-დემოკრატიული საქართველოს" მიმართ გამოკითხულთა 18 % აღნიშნავს, რომ დამოკიდებულება დადებითია, 36%-ის დამოკიდებულება ნეიტრალურია, ხოლო 33 % უარყოფითი.
გამოკითხვის შედეგად ირკვევა, რომ "ერთიანი ნაციონალური მოძრაობის" მიმართ მოქალაქეების დამოკიდებულება შემდეგნაირად გადანაწილდა – დადებითი 19%; ნეიტრალური 31%; უარყოფითი 37%;
"რესპუბლიკური პარტია" – დადებითი – 10%; ნეიტრალური – 38%; უარყოფითი – 34 %;
გამოკითხვის თანახმად, კოალიციაში შემავალ სხვა პოლიტიკური პარტიების დადებითი განწყობები არ აღემატება 10 %-ს.
გამოკითხულთა დამოკიდებულება "თავისუფალი დემოკრატებთან" დაკავშირებით ასეთია: დადებითი 19%; 39% პარტიის მიმართ ნეიტრალურად, ხოლო 26% უარყოფითადაა განწყობილი.
"პატრიოტთა ალიანსი" – დადებითი 13%; ნეიტრალური 30%; უარყოფითი 29%;
”ევრაზიის თანამშრომლობის ფონდი” ევროკავშირის მიმართ მოსახლეობის დამოკიდებულებისა და ცოდნის 2015 წლის საზოგადოებრივი აზრის გამოკითხვის შედეგებს საზოგადოებას 25 ნოემბერს წარუდგენს