გუშინ ინციდენტი მოხდა ფოთის ვალერიან გუნიას სახელობის დრამატულ თეატრში. 5 მეტრის სიმაღლიდან მოწყდა ლიფტი, რომელშიც თეატრის თანამშრომელი, სცენის მემონტაჟე ვასო ჭითანავა იმყოფებოდა. მას სასცენო დეკორაცია აჰქონდა ზედა სართულზე.
დაშავებული კრიტიკულ მდგომარეობაში გადმოიყვანეს ზუგდიდის რეფერალურ საავადმყოფოში, სადაც დაზიანებულ ხერხემალზე ურთულესი ოპერაცია ჩაუტარდა. ამჟამად პაციენტი რეანიმაციულ განყოფილებაშია მოთავსებული. ექიმების შეფასებით, მისი მდგომარეობა ოპერაციის შემდეგ საშუალო სიმძიმიაა, თუმცა სტაბილური.