საქართველოს სახალხო დამცველმა ზუგდიდში ბულგარეთის რესპუბლიკის მიერ დაფინანსებული პროექტის „„მართლმსაჯულებაზე ხელმისაწვდომობის გაზრდა და კანონის უზენაესობა, სამეგრელო-ზემო სვანეთის რეგიონში სახალხო დამცველის წარმომადგენლობის გაძლიერების გზით“ შუალედური ანგარიშის პრეზენტაცია გამართა.შეხვედრას ბულგარეთის რესპუბლიკის საელჩოს წარმომადგენელი იასენ ტომოვი, სახალხო დამცველის აპარატის წევრები, არასამთავრობო ორგანიზაციები,ადგილობრივი ხელისუფლების წარმომადგენლები და დაინტერესებული პირები ესრებოდნენ. პროექტის ფარგლებში, სახალხო დამცველის წარმომადგენლებმა გამართეს რეგულარული გასვლითი საინფორმაციო შეხვედრები სამეგრელო-ზემო სვანეთის სხვადასხვა რაიონებსა და სოფლებში, რა დროსაც,მოსახლეობას საშუალება მიეცა ადამიანის უფლებების დარღვევის ფაქტებთან დაკავშირებით, განცხადებით ან საჩივრით მიემართა სახალხო დამცველისთვის.შეხვედრის მონაწილეებმა სახალხო დამცველთან მათთვის საინტერესო და მნიშვნელოვან საკითხებზე დისკუსია გამართეს , ძირითადად რეგიონში არსებულ სოციალურ-ინფრასტრუქტურულ საჭიროებებზე იმსჯელეს.