ერთიანი ნაციონალური მოძრაობა მოსახლეობაში გადის კითხვით ,,პენსია თუ პრემია?'' და იწყებს ხელმოწერების შეგროვებას "ერთად უნდა ვაიძულოთ მთავრობა გაზარდოს პრემია," – აცხადებს საპარლამენტო უმცირესობის ლიდერი დავით ბაქრაძე.
იგი მოუწოდებს მთავრობას საკუთარ კომფორტს პენსიონერებისთვის ცხოვრების გაუმჯობესება არჩიონ.
"3 წლის განმავლობაში ქართული საზოგადოება დადგა მწვავე ეკონომიკური პრობლემების წინაშე. შემცირდა ეკონომიკური ზრდა, გაიზარდა უმუშევრობის დონე, გაიზარდა სიღარიბე, ამან განსაკუთრებით იმოქმედა პენსიონრებზე. მათი პენსია დოლართან მიმართებაში ლარის გაუფასურების გამო უფრო ნაკლებია, ვიდრე 3 წლის წინ. გაძვირდა წამალი, გაძვირდა პროდუქტი, გაძვირდა ცხოვრება. ვითხოვთ, გადაიდგას საგანგებო ნაბიჯი პენსიონერთა მდგომარეობის გასაუმჯობესებლად. 50 ლარით პენსიით მატება 420 მილიონი ლარი დაუჯდება სახელმწიფო ბიუჯეტს. 2012 წელთან შედარებით 456 მილიონი ლარით არის გაზრდილი მთავრობის შენახვის ხარჯები. ამ თანხის პენსიონრებისთვის გამოყოფაა საჭირო. რა ჭირდება ქვეყანას პრემია, თუ პენსია? – ჩვენ ვფიქრობთ, რომ პენსია".
შეგახსენებთ, ერთიანი ნაციონალური მოძრაობა უკვე რამდენიმე თვეა 2016 წლიდან პენსიის 50 ლარით ზრდას ითხოვს.