აფხაზეთში რუსეთის სამხედრო ბაზის კავშირგაბმულობის ქვედანაყოფებში სამოცდაათამდე თანამედროვე ციფრული რადიოსადგურის ჩაიტანეს.
რუსეთის სამხრეთის სამხედრო ოლქის პრეს-სამსახურის ცნობით, ახალი რადიოსარელეო სადგურები აღჭურვილია ნავიგაციის თანამგზავრული სისტემით . ეს აღჭურვილობა საშუალებას იძლევა სწრაფად გაიშალოს კავშირის დამოუკიდებელი ხაზი. სადგურები ასევე გამოიყენება დროებითი ჩადგმისთვის დაზიანებულ ან რემონტის პროცესში მყოფ საკაბელო ხაზებში , ნათქვამია პრეს-სამსახურის ინფორმაციაში. გარდა ამისა, ახალი ტექნიკა გამოიყენება ვიდეოკონფერენციების ჩატარებისთვის, ვიდეომონაცემების გადაცემისთვის რადიოსიგნალებით, ამასთან იძლევა მრავალარხიანი რედიოსარელეო, ტროპოსფერული და გამტარი ხაზებიდან განშტოების შესაძლებლობას.
უფრო ადრე ქვედანაყოფებს გადაეცა 60 გადასატანი რადიოსადგური "Акведук-0,5У(С)",რომლის დანიშნულებაა ღია და ტექნიკურად დაცული რადიოკავშირის უზრუნველყოფა სამხედრო ასეულის რგოლებს შორის. კავშირგაბმულობის ახალი საშუალება და ტექნიკა უკვე გამოიყენეს აფხაზეთში დისლოცირებულ შენაერთში ჩატარებულ სწავლებებში.