შერიგებისა და სამოქალაქო თანასწორობის საკითხებში სახელმწიფო მინისტრი პაატა ზაქარეიშვილი გალის დე ფაქტო გამგებლის განცხადებას ეხმაურება. "გალის რაიონი, ისევე, როგორც მთელი აფხაზეთის ტერიტორია, საერთაშორისო სამართლით და საქართველოს კანონმდებლობით საქართველოს ტერიტორიად არის აღიარებული და ამ ტერიტორიაზე მცხოვრები ყველა პირი საქართველოს მოქალაქედ ითვლება. – აცხადებს იგი – შესაბამისად, საქართველოს სახელმწიფოს არ სჭირდება გალის რაიონში არანაირი პროპაგანდა იმ სიკეთეების შესათავაზებლად, რომლებსაც საქართველოს ყველა მოქალაქეს სთავაზობს. საკმარისია, ნებისმიერმა ადამიანმა ნახოს, რა ხდება გალის რაიონში და რა – ზუგდიდის რაიონში, რომ შესაბამის გადაწყვეტილებას თავად, ყოველგვარი პროპაგანდის გარეშე მიიღებს, . ქართული პრესით არანაირი პროპაგანდა არ ხდება. ამდენად, მიმაჩნია, რომ მისი ეს განცხადება არის მორიგი მცდელობა, გაამართლონ ბოლო წლების განმავლობაში გალის რაიონში ეთნიკური ქართველების წინააღმდეგ მიმართული რუსიფიკაციის პოლიტიკა და უსუსური არგუმენტი იმისთვის, რომ გალის რაიონის მოსახლეობა იზოლაციაში მოაქციონ", – აცხადებს ზაქარეიშვილმა.
შეგახსენებთ, გალის დე ფაქტო გამგებელმა თემურ ნადარაიამ ქართული სახელმწიფო დაადანაშაულა გალის მოსახლეობის გადაბირების მცდელობაში მედიასაშუალებებში მიმდინარე პროპაგანდით საქართველოსთან ინტეგრაციის სიკეთის შესახებ
.