Міхеіл Саакашвілі "спустив" Яценюка з небес на землю – წერს უკრაინული მედია კომენტარებში, რომელსაც ურთავს მიხეილ სააკაშვილის ოფიციალურ ფეისბუქ გვერდზე განთავსებულ პასუხს არსენი იაცენუკის ირონიულ შეკითხვაზე -თუ ასეთი კარგი რეფორმები ჰქოდა, რატომ ვერ ბრუნდება სააკაშვილი საქართველოში?
"რამდენადაც პრემიერ -მინისტრმა გამაკრიტიკა და ქართული რეფორმები ახსენა, მინდა გითხრათ, რომ ეს ინფორმაცია ხელმისაწვდომია. რამდენიმე შედარებას გავაკეთებ საქართველოსა და უკრაინის რეფორმებთან დაკავშირებით. როდესაც მე ვიყავი საქართველოს ხელისუფლებაში, ეკონომიკა, მაშინაც კი, როცა ომი და დაძაბულობა იყო ქვეყანაში, მაინც ორჯერ გაიზარდა, ხოლო უკრაინული ეკონომიკა, ბოლო ორი წლის განმავლობაში, კატასტროფულად ეცემა…
ჩემი მმართველობის დროს, საქართველოში ჩრდილოვანი ეკონომიკის მაჩვენებელი 60-დან 5 პროცენტამდე შემცირდა, ხოლო უკრაინაში 32-დან 48 პროცენტამდე გაიზარდა. ჩემი მმართველობის დროს, საქართველო ბიზნესის კეთების რეიტინგში მე-8-ე ადგილზე გავიდა, ხოლო უკრაინა ჯერ მხოლოდ 72-ე ადგილზეა. ჩემი მმართველობის დროს, ბიზნეს სუბიექტებს შორის, კორუფციის მაჩვენებელი 80-დან 2 პროცენტამდე შემცირდა, ხოლო უკრაინაში, ამ ბოლო დროს, 80 პროცენტამდე გაიზარდა.
უკრაინის რეიტინგი, სამწუხაროდ, ყველაზე ცუდ აფრიკულ რეიტინგს დაემსგავსა… ახლა კი მინდა დავუბრუნდე იმას, რაც პრემიერმა თქვა, რომ მე არ შემიძლია საქართველოში დაბრუნება. ეს ქამრის ქვემოთ მოყენებული დარტყმაა, თანაც პოსტმაიდანური სახელმწიფოს წარმომადგენლის მხრიდან, რომელიც ქვეყნის ხელისუფლებაში, იმ რეპრესიების ტალღაზე მოვიდა, რომლითაც იანუკოვიჩი უკრაინელების პროტესტის ჩახშობას ცდილობდა საქართველოშიც პრომოსკოვური მაფია იყო. მე ძალიან ღია დამოკიდებულება მაქვს ოლიგარქების მიმართ (სწორედ იმ ოლიგარქების, რომელთა შესახებ პრემიერი ასე მეგობრულად საუბრობს) განსაკუთრებით იმ ოლიგარქების მიმართ, რომლებსაც მოსკოვთან აქვთ კავშირი. მე ახლა ჩემს ქვეყანაში – უკრაინაში ვიმყოფები, სიამაყით ვატარებ უკრაინულ პასპორტს, რომელიც პრეზიდენტ პოროშენკოსგან მივიღე, მე მჯერა ნათელი მომავლის ქვეყნის პრემიერთან ერთად და უკრაინისთვის მხოლოდ წარმატება მსურს",