ცენტრალური საარჩევნო კომისიის ინფორმაციით საპარლამენტო და საკრებულოს შუალედური არჩევნები მშვიდ ვითარებაში მიმდინარეობს. როგორც ცენტრალური საარჩევნო კომისიის სპიკერი ანა მიქელაძე ამბობს არჩევნებზე ყველა მცირე დარღვევა აღმოფხვრილია.
„მხოლოდ ერთ უბანზე მარტვილში 10 წუთით შეფერხდა ხმის მიცემის პროცედურა, რადგან მარკირების აპარატი დაზიანდა, მაგრამ პრობლემა აღმოიფხვრა. ასევე საგარეჯოს მე-5 საარჩევნო უბანზე ერთ-ერთმა დამკვირვებელმა დააფიქსირა ბიულეტენებისთვის საჭირო კონვერტებს აკლდა ერთი კონვერტი. მოხდა თავიდან გადათვლა და დანაკლისი არ დაფიქსირდა,“ – აცხადებს მიქელაძე.
საკანონმდებლო ორგანოს შუალედური არჩევნები საგარეჯოსა და მარტვილის ოლქებში ტარდება, საკრებულოსი კი დმანისის, ვანის, ხობის და საგარეჯოს ადგილობრივ საარჩევნო ოლქებში.