პარლამენტის შუალედური არჩევნების დასრულებამდე 1 საათზე ნაკლები რჩება. ცესკო-ს მიერ წარმოდგენილი ბოლო მონაცემებით, მარტვილის საარჩევნო ოლქში დარეგისტრირებული ამომრჩევლების – 33.1%-მა (11 084 ამომრჩეველი) მისცა ხმა, ხოლო საგარეჯოში –   28.1%-მა (12 946 ამომრჩეველი). ცნობისათვის – მარტვილის 39 უბანზე 33 500-მდე ამომრჩეველია რეგისტრირებული.საგარეჯოში –  46 ათასი. 

შეგახსენებთ, მარტვილის მაჟორიტარობისთვის იბრძვიან ეთერ მეძველია პატრიოტთა ალიანსიდან და სოსო დანელია ქართული ოცნებიდან, საგარეჯოში – თამარ ხიდაშელი  (ქართული ოცნება), ირმა ინაშვილი (პატრიოტთა ალიანსი), ასევე საინიციატივო ჯგუფების მიერ წარდგენილი სამი კანდიდატი – ზურაბ ჯორბენაძე, მიხეილ ანდღულაძე და გიორგი დავითაია. 

 რაც შეეხება საკრებულოს არჩევნებს, ამ დროის მდგომარეობით ხობში ამომრჩეველთა   44.4%.- მივიდა არჩევნებზე, დმანისში – 26.7% ვანში – 40.4%.  ორივე არჩევნებში ამომრჩეველთა აქტივობით ლიდერობს ხობის რაიონი, ყველაზე დაბალი მაჩვენებელი კი დმანისშია. ცენტრალური საარჩევნო კომისიიის მიერ 17 საათზე გაკეთებული განცხადებით, არჩევნები ძირითადად მშვიდ ვითარებაში მიმდინარეობს და სერიოზულ დარღვევებს ადგილი არ ჰქონია.  საარჩევნო კომისიებში სულ შესულია 9 საჩივარი, აქედან 6 – მარტვილში, 3 – საგარეჯოში.