"ოქროს წიწილა" – ასე ქვია მიუზიკლს, რომელიც ზუგდიდის თეატრში ქუთაისის იაკობ გოგებაშვილის სახელობის თოჯინების სახელმწიფო პროფესიულმა თეატრმა წარმოადგინა. ეს ფერადოვანი, სიკეთით სავსე სპექტაკლი დადგმულია ვლადიმერ ორლოვის საქართველოში მეტად პოპულარული პიესის მიხედვით, რომელიც თოჯინებისთვისაა დაწერილი, მაგრამ ქუთაისის თეატრმა ორიგინალური გადაწყვეტით, დრამატული მსახიობების შესრულებით წარმოადგინა. მაყურებელმა გულთბილად და დიდი ინტერესით მიიღო სპექტაკლი, პოზიტიური ემოციები მნიშვნელოვანწილად განაპირობა სპექტაკლში ჩართულმა ინტერაქტიულმა ელემენტებმა, რამაც დარბაზში მყოფთ მისცა საშუალება აქტიურად ჩართულიყვნენ სცენაზე მმდინარე მოქმედებაში.
,,ჩვენ ზუგდიდში ჩამოვედით ძალიან კეთილი სპექტაკლით, რომელიც მეგობრობაზე, სიყვარულზე მოუთხრობს პატარა მაყურებელს და განსაკუთრებით უნდა აღვნიშნო, რომ ამ სპექტაკლით ჩვენს თეატრებს შორის შედგა შემოქმედებითი თანამშრომლობა, რომელსაც კარგი პერსპექტივა აქვს – ამბობს ქუთაისის თეატრის სამხატვრო ხელმძღვანელი ლევან გაბრიჭიძე.