რუსთავი 2-ის საქმეზე მიმდინარე სასამართლო პროცესზე, მოსამართლე თამაზ ურთმელიძემ არ დააკმაყოფილა მოპასუხე მხარის შუამდგომლობა ტელეკომპანიის გენერალური დირექტორის ნიკა გვარამიას სხდომაზე დაშვების შესახებ. მოსამართლის თქმით, გვარამია უკვე დაკითხულია და მისი ჩვენება ვერაფერ ახალს ვერ შეიტანს საქმეში.
ამ წუთებში რუთავი ორის ადვოკატები კიდევ ერთ შუამდგომლობას აყენებენ. ისინი სხდომის ორშაბათისთვის გადადებას ითხოვენ. მათი თქმით, გუშინ ექსპერტის დაკითხვის ოქმის გასაცნობად გონივრული ვადა ითხოვეს, მოსამართლემ კი, სხდომის დღეისთვის ჩანიშვნით, შუამდგომლობა ფორმალურად დააკმაყოფილა. მოპასუხე მხარე აცხადებს, რომ ოქმის გასაცნობად მათ დრო არ ეყოთ.
ტელეკომპანია რუსთავი 2-ის დირექტორი ნიკა გვარამია მოსამართლე თამაზ ურთმელიძემ სასამართლო დარბაზიდან 19 ოქტომბრი სხდომაზე გააძევა.მოსამართლემ ეს გადაწყვეტილება გვარამიას რეპლიკის – "ბათუმში ჩააბარეთ გამოცდა, სრულიად გასაგებია, როგორც ჩააბარეთ. არაფერი თქვენ არ იცით" – შემდეგ მიიღო. ურთმელიძის შეფასებით, გვარამიამ სასამართლო შეურაცხყო. მან მომდევნო სხდომებზე გვარამია აღარ დაუშვა და განმარტა, რომ ტელეკომპანიის გენერალური დირექტორი საქმის დასრულებამდე გაძევებულად ითვლება.