„ჩვენ მივიღეთ ასეთი გადაწყვეტილება: ჩვენ თვითონ დავიცავთ ჩვენს კომპანიას, ჩვენი სიტყვის თავისუფლებას და ვიხსნით პასუხისმგებლობას ჩვენს დასაცავად მოსულ მოქალაქეებზე“, – ეს განცხადება ნიკა გვარამიამ პრემიერმინისტრის განცხადების შემდეგ გააკეთა.
ნიკა გვარამიას განცხადებით, პრემიერმინისტრის დაპირების მიუხედავად, რომ დაცული იქნება მათი უსაფრთხოება, მას ამ დაპირების არ სჯერა, „რადგან პრემიერი არათანმიმდევრულია თავის დაპირებებში და ის ხშირად ცრუობს“.
ნიკა გვარამია არ გამორიცხავს, რომ მოქალაქეების შეკრება „რუსთავი-2“-ის ოფისში პროვოკაციისთვის იყოს გამოყენებული. „არ გამოვრიცხავთ, რომ პროვოკატორები ჩვენს შორისაც არიან“, – განაცხადა მან და დაამატა, რომ „რუსთავი-2“ აღარ მოუწოდებს მოქალაქეებს მის დასაცავად შეკრებისკენ.
ნიკა გვარამიას განცხადებით, "იმ შემთხვევაში, თუ მე ვრჩები დღეს საგამოძიებო უწყებაში (ყოფილა შემთხვევა, რომ შევსულვარ და ვერ გამოვსულვარ), ჩემს მოვალეობას შეასრულებს ჩემი პირველი მოადგილე ზაალ უდუმაშვილი, ოღონდ, ნურავის ეგონება, რომ ჩემი გასვლით და ზალიკოს დარჩენით რაიმე შეიცვლება. ხელისუფლებას არაფერი გამოუვა, "რუსთავი-2" ჩვენია.