,,რია ნოვოსტის'' ყოფილი მთავარი რედაქტორი  სვეტლანა მირონიუკი, რომელიც 2013 წელს აიძულეს გადამდგარიყო დაკავებული თანამდებობიდან, ,,ფორბსისათვის'' მიცემულ ინტერვიუში  თავისი გადადგომის მიზეზებზე ლაპარაკობს. ,,ამ საქმის ინიციატორები ჰოლდინგ ,,გაზპრომის'' მაშინდელი ხელმძღვანელი მიხეილ ლესინი და რუსეთის პრეზიდენტის ადმინისტრაციის ხელმძღვანელის მოადგილე ალექსეი გრომოვი იყვნენ.  სწორედ ამ პირებთან ვერ შევთანხდით  იმაზე, თუ რაში მდგომარეობს  ,,სახელმწიფო ინტერესები'' მედიასაშუალებებთან მიმართებაში.  – აცხადებს მარინიუკი.

იგი განმარტავს, რომ მისი აზრით სახელმწიფომ უფრო მკაფიოდ უნდა იცოდეს რა სჭირდება საზოგადოებას და რა ენაზე უნდა ელაპარაკოს მას საზოგადოებას აქვს უფლება, იცოდეს რა ხდება ქვეყანაში , ისინი კი თვლიდნენ, რომ ეს სახელმწიფომ უკეთ იცის. მისი თქმით უთანხმოებამ და განსხვავებამ ამ ხედვებში დირექტორის პოსტიდან მის გადადგომამდე ორი წლით ადრე იჩინა თავი და სულ უფრო ღრმავდებოდა. 

მირონიუკმა აღნიშნა აგრეთვე, რომ ჯერ კიდევ ,,რია ნოვოსტიში" მუშაობის დროს, 2012 წელს მან გააგრძელა სწავლა ჩიკაგოს უნივერსიტეტში და საკმაოდ დიდი წარმატებითაც, მაგრამ პრეზიდენტის ადმინისტრაციიდან გააფრთხილეს, რომ  ,,თავი უნდა ანებოს ამ სისულელეებს და სწავლა შეწყვიტოს". მე პირდაპირ მითხრეს, რომ სახელმწიფო მედიასაშუალების ისეთი მაღალი რანგის წარმომადგენელს, როგორიც მე ვარ, არ ჭირდება ამერიკაში სიარული ( თუმცა კამპუსი ნაწილობრივ აშშ – ში, ნაწილობრივ ინგლისში მქონდა).- ამბობს მარინიუკი, მისი თქმით,  სწავლის გაგრძელება მხოლოდ მას შემდეგ შეძლო, რაც ,,რიანოვოსტის'' დირექტორის პოსტიდან გადადგა.  

წყარო Forbes, 30 ოქტომბერი, 2015