აფხაზეთში პურზე ფასები გაიზარდა. ე.წ აფხაზეთის რესპუბლიკის მინისტრთა კაბინეტის დადგენილებით განისაზღვრა შემდეგი მაქსიმალური ფასები პურზე : 20,6 რუბლი – უმაღლესი ხარისხის ხორბლისგან გამომცხვარ ერთ 600 გრამიან პურზე,19 რუბლი – პირველი ხარისხის და 17,5 – მეორე ხარისხის ფქვილისგან გამომცხვარ პურზე. ეს ნიშნავსб რომ ნებისმიერი ხარისხის პურის ფასი ადრინвელთან შედარებით ორი რუბლით გაიზარდა. ე
ეკონომიკის მინისტრმა დავით ირადიანმა აღნიშნა, რომ მოსახლეობის ფართო ფენების დაცვის მიზნით, ,,აფხაზპური" ცდილობდა შეენარჩუნებინა არსებული ფასები და მათი გადახედვა 2008 წლიდან არ მომხდარა, მაგრამ ასე ვერარ გაგრძელდება, რადგან პურის წარმოების რენტაბელობა კრიტიკულ ნიშნამდე დაეცა
პურზე ფასების მომატებას მინისტრთა კაბინეტის სხდომაზე შეეწინააღმდეგა დამოუკიდებელი პროფკავშირების ფედერაციის თავმჯდომარე აზარეთ აიბა: ,,დღეს აფხაზეთში ფინანსური კრიზისია, საბანკო სისტემა – პარალიზებული, მასწავლებლებისა და სხვათა ხელფასები – მიზერული, მათთვის პურის გაძვირება დამატებითი პრობლემა გახდება'' – განაცხადა მან.
პასუხად პრემიერ მინისტრმა ლეონიდ ლაკირბაიამ განაცხადა, რომ სავსებით იზიარებს მის წუხილს, ,,პური ბევრი ჩვენი თანამემამულისთვის ერთადერთი საკვებია, მაგრამ, სამწუხაროდ, ფასების მატება გარდუვალი აუცილებლობაა, – აფხაზეთში ხორბალი და ფქვილი მთლიანად სტავროპოლისა და კრასნოდარის მხარეებიდან შემოდის, იქ კი წელს მოსვალი არნახულად დაბალი იყო და შესაბამისად ფასებიც გაგვიძვირეს. ‘’ – აღნიშნა მან. მთავრობამ მოუწოდა ‘’აფხაზპურის“ ხელმძღვანელობას აღადგინოს ადრე არსებული პურის მაღაზიები სოციალურად დაუცველთათვის, რათა უღარიბესი ოჯახებისთვის სასიცოცხლოდ აუცილებელი ძირითადი პროდუქცია ჩვეულებრივზე დაბალ ფასებში იქნეს მისაწვდომი .