დღეს დილით ბიზნესმენი ქიბარ ხალვაში, რომელიც ტელეკომპანია "რუსთავი 2"-ზე აცხადებს პრეტენზიას, საქართველოს პრეზიდენტს გიორგიმარგველაშვილს შეხვდა. იგი პრეზიდენტის ადმინისტრაციაში ადვოკატ პაატა სალიასთან ერთად მივიდა. შეხვედრა, რომელიც ტელეკომპანია "რუსთავი 2"-თან დაკავშირებით მიმდინარე სამართლებრივ დავას ეხებოდა, ერთ საათს გაგრძელდ.ა
ქიბარ ხალვაშის თქმით, მან თხოვნით მიმართა პრეზიდენტს, კონტროლზე აიყვანოს საქალაქო სასამართლოში მის მიერ რუსთავი ორის წინააღმდეგ წაყენებული სარჩელის განხილვის პროცესი, რამდენადაც, მისი თქმით, ,,სასამართლოზე ნაციონალური მოძრაობის მხრიდან ზეწოლა ხდება''.
ხალვაშის განმარტებით, მას სურდა საქართველოს პრეზიდენტთან რუსთავი 2-თან დაკავშირებულ კონკრეტულ სამართლებრივ ასპექტებზე ესაუბრა, მაგრამ პრეზიდენტმა უპასუხა, რომ ის იურისტი არ არის და მსგავს დეტალებს ვერ ჩაეძიება.