უკრაინულმა ,,ვიკილიქსმა” ახალი ჩანაწერების სტენოგრამა გამოაქვეყნა, სადაც თითქოს საქართველოს ექს-პრეზიდენტი მიხეილ სააკაშვილი, დავით კეზერაშვილთან ერთად სირიაში რუსეთის წინააღმდეგ ტერაქტების მოწყობას გეგმავს.
ჩანაწერი ვრცელდება სათაურით ,,სააკაშვილსა და მაკ-კეინს უნდათ სირიაში შეაჯახონ ერთმანეთს აშშ და რუსეთი. ქართველი მეზენიტეები უკვე ლატაკიაში არიან, ავაქოვმა იქ უკვე ჩაიტანა უკრაინიდან გადასატანი საზენიტო სარაკეტო კომპლექსი ''
,,მ. დაჯე დავით!დროზე უნდა გავაკეთოთ ყველაფერი, რაც ვილაპარაკეთ! ხო ხვდები რამხელა მნიშვნელობა აქვს! მაკკეინმა დამიდასტურა, ყველაფარი ძალაშია. სენატიდან პრიკრიტია გვექნება. სირიაში უნდა დავარტყათ რუსებს, თორე თუ საბოლოოდ მოილაპარაკეს ამერიკელებმა და რუსებმა, უკრაინას მოისვრიან. დონბასი კონსერვაციაზე მიდის, პრიდნესტროვიის პროექტი გააჩერეს. კაროჩე დაგვერხევა. ეს ყველაფერი უნდა დავაჩქაროთ სირიაში.''. – ასეთ სტილშია შედგენილი მთელი მასალა, რაც მოწმობს, თუ რაოდენ ოდიოზურ წყაროსთან გვაქვს საქმე და რაოდენ არაკომპეტენტურია სუს-ი, რომელმაც ამ წყაროზე დაყრდნობით აღძრა სახელმწიფო გადატრიალების საქმე.