წუხელ ზუგდიდში ერთიანი ნაციონალური მოძრაობის ოფისი დაარბიეს. ჩამტვრეულია მინები, საღებავებით მოსვრილია შენობის კედლები, გაკეთებულია წარწერები ,,აიკრძალოს ნაციონალური მოძრაობა''. პარტიის ადგილობრივი ოფისის ხელმძღვანელის თეიმურაზ ბასილაია აცხადებს, რომ თავდამსხმელები შენიღბვას ცდილობდნენ, მაგრამ ზოგიერთი მათგანის ამოცნობა არ გაძნელებულა, ოფისს არბევდნენ ,,ქართული ოცნების'' წარმომადგენლები, მათ შორის საჯარო მოხელეებიც, თუმცა გამოძიების ინტერესებიდან გამომდინარე თავს იკავებს მათი დასახელებისგან. მისივე განცხადებით, ნაციონალური მოძრაობის ადგილობრივი ოფისის შენობაზე დამონტაჟებულია ვიდეოკამერა, რომლის ჩანაწერები შესწავლისათვის გადაეცა სამართალდამცავებს.