„თავისუფალი დემოკრატების“ ხობის ორგანიზაციამ დღეს გამართულ ბრიფინგზე თვითდაშლა გამოაცხადა – როგორც ორგანიზაციის ყოფილმა თავმჯდომარემ და საკრებულოს სამანდატო-საპროცედურო საკითხთა კომისიის თავმჯდომარემ ნუგზარ შუშანიამ განაცხადა, მან კოლეგებთან ერთად ოფიციალურად დატოვა პარტია და კოალიცია „ქართულ ოცნებაში“, პარტიის სრული შემადგენლობით – 70 წევრით გადავიდა. ამის მიზეზად „თავისუფალი დემოკრატების“ შეცვლილი პოლიტიკური შეხედულებები დაასახელა .
ისინი თვლიან, რომ „თავისუფალი დემოკრატების“ ლიდერის ირაკლი ალასანიას და პარტიის ხელმძღვანელი რგოლის სხვა წარმომადგენლების მიერ ბოლო პერიოდში გაკეთებული განცხადებები ქმნის რეალურ საფუძველს იმისათვის, რომ ისინი „ერთიანი ნაციონალური მოძრაობის“ ინტერესების გამტარებლებად იქნან აღქმულნი.
არის ცნობები, რომ პარტიის ყოფილ წევრებთან ერთად „ქართული ოცნების“ რიგებში გადავიდა ხობის ყოფილი „თავისუფალი დემოკრატების“ 200-მდე მხარდამჭერი.