"დემოკრატიული მოძრაობის" პრესსამსახური ავრცელებს დიმიტრი ლორთქიფანიძის განცხადებას, რომელშიც ნათქვამია: . "ნაციონალური მოძრაობა" გადადის შეტევაზე და აპირებს, რომ "რუსთავი 2"-ის დაცვის საბაბით შეიკრიბოს ღია ცის ქვეშ, გამოიყენოს კონსტიტუციური უფლებები. დიდი ბოდიში, მაგრამ ჩვენი, საზოგადოების კონსტიტუციური უფლებაც არის, რომ შევწყვიტოთ ის წყარო. ხელისუფლების განხორციელების წყარო არის ხალხი. ჩვენ, საზოგადოებას გვაქვს სრული უფლება, გადავკეტოთ ეს წყარო.
ასე რომ, ჩვენ ისღა დაგვრჩენია, გადავიდეთ იმ რეჟიმში, რომ რასაც არ გააკეთებს და აღასრულებს "ქართული ოცნება", შეიქმნას საგანგებო კოალიცია, რომ დანაშაულებრივი ჯგუფი "ნაციონალური მოძრაობის" სახით იყოს დასჯილი. ამას განვახორციელებთ ნებისმიერი ხერხისა და გზის გამოყენებით. თუკი ეს არ აღსრულდება ლეგიტიმურად, ამას აღასრულებს ხალხი", – განაცხადა დიმიტრი ლორთქიფანიძემ.
დღესვე "ნაციონალური მოძრაობის" გორის ოფისთან რამდენიმე ადამიანი მივიდა პარტიის ოფისის კარი აჭედა და ფანჯრებზე გამოაკრა წარწერა "ლიკვიდირებულია". "ინტერპრესნიუსთან" საუბრისას ისინი აცხადებენ, რომ არც ერთ პოლიტიკურ პარტიას არ წარმოადგენენ, გორში მცხოვრებლები არიან და ინტერნეტით გავრცელებული კადრების შემდეგ გადაწყვიტეს კიდევ ერთხელ გაეპროტესტებინათ "ნაციონალური მოძრაობის" 9-წლიანი მმართველობა.
"ჯერ კიდევ საკმაოდ ბევრი ადამიანია შემორჩენილი "ნაციონალური მოძრაობიდან" ხელისუფლებაში. გარდა ამისა, მათაც ვისაც ხელისუფლების რიგების დატოვება მოუხდა, მაინც არ ჩერდებიან და კვლავ აქტიურობენ, აკეთებენ ისეთ განცხადებებს, რომლებიც ხალხის გაღიზიანებას იწვევს", – განაცხადეს "ნაციონალური მოძრაობის" ოფისთან შეკრებილებმა.
ოფისში ამ დროისთვის არავინ არ იმყოფებოდა, შესაბამისად, აღნიშნულ ფაქტთან დაკავშირებით "ერთიანი ნაციონალური მოძრაობის" გორის ოფისის წარმომადგენებს ჯერ კომენტარი არ გაუკეთებიათ.
ქუთაისში "ნაციონალური მოძრაობის" ოფისთან შეკრებილი "ქართული ოცნების" აქტივისტებმა ოფისის კარები შეამტვერიეს და შენობაში შეჭრას ცდილობენ. ცოცხებითა და კვერცხებით შეიარაღებული ადამიანები " გაძევებას ითხოვენ.
ადგილზე იმყოფება საპატრულო პოლიციის წარმომადგენლები.