ზუგდიდის ცენტრში, ბულვარის ტერიტორიაზე „საზოგადოებრივი აზრის დარბაზის“ ორგანიზებით იმ ფილმის ჩვენება გაიმართა, რომელიც გუშინ, სოციალური ქსელის მეშვეობით გარვცელდა ინტერნეტში. აღნიშნული ფილმის ჩვენებას ადგილობრივი ხელისუფლების წარმომადგენლები მოქალაქეებთან ერთად ესწრებოდნენ. ფილმი ჩვენებაზე იმ ფორმით გავიდა, რა ფორმითაც ის გუშინ ინტერნეტში გავრცელდა. მიუხედავად იმისა, რომ ჩვენებას ქალები ბავშვებთან ერთად ესწრებოდნენ, კადრები დაუფარავად უჩვენეს.  ჩვენს კითხვაზე, რამდენად მართებული იყო ძალადობის შემცველი ფილმის საჯარო ჩვენება ქალაქის შუაგულში, ქალაქის მერმა ირაკლი გოგოხიამ აღნიშნა, რომ საზოგადოებამ უნდა იცოდეს წარსულის შესახებ. მისი თქმით,მას არ უნახავს აღნიშნული ფილმი, თუმცა აპირებს მის ნახვას. ხოლო ფილმის ჩვენების ორგანიზატორის განცხადებით, საღამოზე მცირეწლოვნები არ იმყოფებოდნენ, რადგან მათივე ჩარევით მოხდა ბავშვების გაყვანა ტერიტორიიდან. მიუხედავად ორგანიზატორების მსგავსი განცხადებისა,ჩვენმა კამერამ ძალადობის შემცველი ფილმის ჩვენების პარალელურად ტერიტორიაზე რამოდენიმე მცირეწლოვანი დააფიქსირა.