ჟურნალისტური ეთიკის ქარტიის საბჭო ავრცლებს განცხადებას მედიაში ადამიანის წამების ამსახველი ვიდეომასალის ტირაჟირებასთან დაკავშირებით .
,,მედიასაშუალებები უნდა მოერიდონ ადამიანის წამების ამსახველი ვიდეომასალის ამგვარი ღირსებისშემლახველი ფორმით გავრცელებას; განსაკუთრებული სიფრთხილით მოეკიდონ გაურკვეველი წარმომავლობისა და ანონიმური წყაროების მიერ ინტერნეტში ატვირთულ მაკომპრომეტირებელ მასალებს. – ნათქვამია განცხადებაში.
ქარტიის საბჭო ხაზს უსვამს, რომ მომავალი საარჩევნო წლის განმავლობაში, გამწვავებული პოლიტიკური დაპირისპირების ფონზე, მედიის როლი კიდევ უფრო მნიშვნელოვანი და გადამწყვეტი გახდება", – ნათქვამია განცხადებაში.