ერთიანი ნაციონალური მოძრაობის ერთ-ერთილიდერი გიგა ბოკერია NDI -ის პოლიტიკური კვლევის შედეგებს გამოეხმაურა. ბოკერიას განცხადებით, ქვეყანაში ვადამდელი არჩევნებია ჩასატარებელი. „NDI-ის კვლევა უბრალოდ აღწერს იმ სამწუხარო რეალობას, რომელიც არის ქვეყანაში შექმნილი. საზოგადოების უდიდესი ნაწილისთვის ცხოვრება გაუარესდა, თან არსებითად და ამ უდიდეს ნაწილს არ სჯერა, რომ ივანიშვილი და მისი გუნდი რამეს შეცვლიან უკეთესობისკენ, იმიტომ, რომ ეს ხალხი საერთოდ არც აღიარებს, რომ საქმე ცუდად მიდის ქვეყანაში – არც გეგმა აქვთ, არც ხედვა და როცა ამ კონკრეტულ გეგმას და ხედვას ვთავაზობთ, განხილვაზეც კი უარს იძახიან. წინასწარ ვიცით, რომ ამ კვლევაზეც იტყვიან რაღაც სისულელებს, რომ მოგონილია და ა.შ. ამიტომ ვეუბნებით, რომ ვადამდელი არჩევნებია ჩასატარებელი და ვნახოთ ერთი, რა მხარდაჭერა აქვთ საზოგადოების.“- აცხადებს ნაციონალური მოძრაობის ერთ-ერთი ლიდერი გიგა ბოკერია.