აზერბაიჯანული საინფორმაციო სააგენტო "ჰაქინი" სახელმწიფო სააგენტო "აზერტაჯის" მწირე ინფორმაციასა და საკუტარ წყაროებზე დაყრდნობით წერს რომ აზერბაიჯანი თბილისში საიდუმლო მოლაპარაკებებს აწარმოებს. სტატიის ავტორი ყურადღებას ამახვილებს აზერბაიჯანის ვიცე-პრემიერისა და "აზერბაიჯანის რკინიგზის" თავმჯდომარის მოულოდნელ ვიზიტზე საქართველოში, რომლის მიზანი არ ხმაურდება. სააგენტო ვარაუდობს, რომ ქართულ მხარესთან მოლაპარაკებების დროს განსახილველი არსებითი საკითხები არის ,, გაზის ომი'', რომელსაც "გაზპრომი" ქართული ბაზრიდან "სოკარის" განდევნისა და მისი ადგილის დაკავების მიზნით აწარმოებს, და პრობლემებით, რომლებიც უკავშირდება ბაქო-თბილისი-ყარსის რკინიგზის ქართული მონაკვეთის ექსპლუატაციაში შეყვანას". "ჰაქინი" ამ ვიზიტის გასაიდუმლოების მცდელობის ნიშნად მიაჩნია, რომ ,, მეზობელ სახელმწიფოში აზერბაიჯანელი მაღალჩინოსნების დაგეგმილ ვიზიტზე არანაირი ინფორმაცია არ გავრცელებულა, გარდა იმისა, რომ შარიფომა ა და ყურბანოვმა ყვავილებით შეამკეს გეიდარ ალიევის ძეგლი თბილისში".
“ჰაქინი” ყურადღებით ადევნებს თვალს ,,გაზის ომის'' მიმდინარეობას. შეგახსენებთ რას წერდა იგი ბაქოში ირაკლი ღარიბაშვილის ვიზიტის შესახებ: ,,ეს ვიზიტი იმდენად მოულოდნელი იყო, რომ საქართველოს პრემიერ–მინისტრის კანცელარიამაც კი ინფორმაცია ვიზიტის შესახებ მხოლოდ მაშინ გაავრცელა, როცა პრემიერის თვითმფრინავი ბაქოში დაეშვა.
“სინამდვილეში, ირაკლი ღარიბაშვილის ბაქოში ვიზიტი მოულოდნელი არ ყოფილა. ბოლო დღეებში რამდენიმე ქართველმა ოფიციალურმა პირმა განაცხადა, რომ საქართველო აზერბაიჯანული გაზისგან დამოკიდებულობის შემცირებას აპირებს. ამ განცხადებების ფონზე შეგვეძლო გვევარაუდა, რომ საქართველოსა და აზერბაიჯანს შორის კონტაქტი უმაღლეს დონეზე შედგებოდა”, – წერს გამოცემა.
კახი კალაძისა და “გაზპრომის” მოლაპარაკებების გარდა, “ჰაქინი” იხსენებს საქართველოს საგარეო საქმეთა მინისტრის მოადგილის, დავით დონდუას განცხადებას იმის შესახებ, რომ სექტემბერში თბილისში, ირანში მიმდინარე პროცესებზე სასაუბროდ, დახურული კონფერენცია გაიმართა.
“ამგვარად, დონდუამ საჯაროდ აღიარა, რომ გაზის დივერსიფიცირებაზე თბილისი და თეირანი საიდუმლო მოლაპარაკებებს მართავენ და სურთ, საქართველოში გაზის მიწოდების კუთხით “სოკარის” მონოპოლია დაასრულონ.
“ვითარების ამგვარმა მდგომარეობამ ოფიციალური ბაქო ააღელვა. ამიტომ, ირაკლი ღარიბაშვილი ბაქოში მას შემდეგ მიიწვიეს, რაც გასაჯაროვდა ინფორმაცია ქართული ხელმძღვანელობის საიდუმლო მოლაპარაკებებზე ირანთან და “გაზპრომთან”. შემთხვევითი არ არის, რომ ქართველ პრემიერს აეროპორტში აზერბაიჯანის ენერგეტიკის მინისტრი დახვდა”, – წერს გამოცემა.