,,პრესა უკრაინი'' ყირიმელ თათართა მეჯლისის პრეს–სამსახურის ინფორმაციაზე დაყრდნობით წერს, რომ ყირიმელ თათართა ნაციონალური მოძრაობის ერთერთი ლიდერი მუტაფა ჯემილევი ,,უკრაინის სახალხო გმირის" ორდენით დაჯილდოვდა.
ორდენის გადაცემის ცერემონიალი გაიმართა 13 ოქტომბერს, ოდესის ოპერის თეატრში. ორდენი უკრაინის დამოუკიდებლობისათვის ბძოლაში შეტანილი მნიშვნელოვანი წვლილისთვის ჯემილევს ოდესის ოლქის გუბერნატორმა მიხეილ სააკაშვილმა გადასცა.
ჯილდო ,,უკრაინის სახალხო გმირი'' 2015 წელს დაწესდა, იგი გადაეცემა როგორც უკრაინის, ისე უცხოეთის ქვეყნების მოქალაქეებს უკრაინის დამოუკდებლობისა და ტერიტორიული მთლიანობის დაცვაში შეტანილი თვალსაჩინო წვლილისთვის.