მთავარისიახლეებისპორტი2016 ევროპის საფეხბურთო ჩემპიონატის 20 მონაწილე ცნობილია

2016 ევროპის საფეხბურთო ჩემპიონატის 20 მონაწილე ცნობილია

Published on

 გუშინ ღამით დასრულდა 2016 წლის ევროპის ჩემპიონატის  საკვილიფიკაციო ეტაპის ჯგუფური ნაწილი და ცნობილი გახდა 20 მონაწილე გუნდის ვინაობა.

ევრო 2016 საფრანგეთში გაიმართება, მასში  24 გუნდი მიიღებს მონაწილეობას. საფრანგეთმა, როგორც მასპინძელმა, ტურნირზე მონაწილეობის უფლება ავტომატურად მოიპოვა. მას დაემატა 18 გუნდი, რომლებმაც საკუთარ ჯგუფებში პირველი და მეორე ადგილები მოიპოვეს. მათ კიდევ დაემატათ საუკეთესო შედეგის მქონე მესამე ადგილოსანი გუნდი. დანარჩენი 8 მესამე ადგილოსანი კი პლეი-ოფში მიიღებს მონაწილეობას და შედეგად უკვე კვალიფიცირებულ 20 გუნდს კიდევ 4 გუნდი დაემატება.

ევროპის ჩემპიონატის ფინალურ სტადიაზე ჯგუფებიდან პირველი და მეორე ადგილებით გავიდნენ: ჩეხეთის, ისლანდიის, ბელგიის, უელსის, ესპანეთის, სლოვაკეთის, გერმანიის, პოლონეთის, ინგლისის, შვეიცარიის, ჩრდილოეთ ირლანდიის, რუმინეთის, ავსტრიის, რუსეთის, იტალიის, ხორვატიის, პორტუგალიისა და ალბანეთის ეროვნული ნაკრებები.

საუკეთესო შედეგის მქონე მესამეადგილოსანი – თურქეთის ეროვნული ნაკრები გახდა. პლეი-ოფში კი, მონაწილეობას მიიღებენ: უნგრეთის, უკრაინის, ნორვეგიის, დანიის, შვედეთის, ირლანდიის, ბოსნია-ჰერცეგოვინისა და სლოვენიის ნაკრებები. პლეი-ოფის კენჭისყრა კვირას ჩატარდება. პირველი მატჩები 12, 13, 14 ნოემბერს გაიმართება, განმეორებითი შეხვედრები კი 15, 16, 17 ნოემბერს.

შეგახსენებთ, რომ ევრო 2016-ის საკვალიფიკაციო ეტაპის ჯგუფურ ნაწილში მონაწილეობა საქართველოს ეროვნულმა ნაკრებმაც მიიღო. D ჯგუფში, რომელშიც, საქართველოს გარდა, გერმანია, პოლონეთი, ირლანდია, შოტლანდია და გიბრალტარი იყვნენ, საქართველომ 9 ქულა მოიპოვა და მეხუთე ადგილი დაიკავა.

სიახლეები

რა ხდება მოსკოვში, ბალაშიხაში, სადაც დიდი ქიმიური ქარხანა იწვის [ვიდეო]

მოსკოვში ცეცხლი გაჩნდა ბალაშიხას ქიმიურ ქარხანაში, რომელიც ერთ-ერთი უდიდესია რუსეთში. ხანძრის კერა, სავარაუდოდ, საწყობში...

არა მგონია, წალენჯიხაში მოეწონოთ, ტრუსიკიანმა კაცმა “ფერარით” რომ გაიშხუილა – არქიმანდრიტი დოროთე

არქიმანდრიტი დოროთე ყურაშვილი წალენჯიხაში კახა კალაძის ჩასვლაზე საკვირაო ქადაგების დროს ისაუბრა და ამასთან დაკავშირებით...

რუსეთის იერიშებს ზაპოროჟიესა და დნეპრზე მსხვერპლი მოჰყვა

ზაპოროჟიეში რუსული შეტევის შედეგად ერთი ადამიანი დაიღუპა, ოთხი დაიჭრა, დაჭრილთა შორის ბავშვიცაა. უხელ რუსეთის სამიზნე...

მოგიწოდებთ, სახე შეინარჩუნოთ – ანდრო ჭიჭინაძის ადვოკატი მოსამართლე ნინო გალუსტაშვილს

მოგიწოდებთ, სახე შეინარჩუნოთ,- ასე მიმართა მსახიობ ანდრო ჭიჭინაძის ადვოკატმა ნათია კორკოტაძემ მოსამართლე ნინო გალუსტაშვილს. ადვოკატმა...