მთავრობის ადმინისტრაციის პრესსამსახურის ინფორმაციით, პრემიერ-მინისტრ ირაკლი ღარიბაშვილის შეხვედრაზე ჩინური კომპანიის ვიცე-პრეზიდენტთან იაო ციანგთან, აშშ-ევროპის გენერალურ მენეჯერთან იე ჰაოლინგსთან და საზღვარგარეთის ბიზნესგაერთიანების პრეზიდენტ დინ ჭენგუოსთან მთავრობის ადმინისტრაციაში საქართველოში არსებულ ბიზნესგარემოსა და ეკონომიკის სხვადასხვა საკითხებთან ერთად საუბარი შეეხო ანაკლიის პორტის პროექტს, რომლითაც დაინტერესებული ჩინური კომპანია POWERCHINA.
ეს არის ჩინეთის უმსხვილესი სახელმწიფო კომპანიაა, რომელიც, უზრუნველყოფს ყველა სახის მომსახურებას, დაგეგმვის, შესწავლის, პროექტირების, კონსულტაციის, მშენებლობის, ჰიდროენერგეტიკის, ახალი ენერგიისა და ინფრასტრუქტურის მიმართულებით. კომპანიის ბიზნესი ასევე მოიცავს უძრავ ქონებას, ინვეტიციებსა და ფინანსებს. 2015 წლის ივნისის მონაცემებით, POWERCHINA 70,4 მილიარდი აშშ დოლარის ღირებულების ქონებას ფლობს და დასაქმებული ჰყავს 200 000 ადამიანი. 2014 წელს კომპანიის შემოსავალმა 42,4 მილიარდი აშშ დოლარი შეადგინა. 2015 წელს POWERCHINA-მ მსოფლიოს 110 ქვეყანაში 1 565 მსხვილი პროექტი განახორციელა. ENR-ის რეიტინგში – თოპ 150 Global Design Firms, POWERCHINA მესამე ადგილზეა.