მსოფლიო ბანკმა სიღარიბის ზღვარი ასწია – თუ აქამდე ეს იყო 1,25 დოლარი დღეში, ახლა 1,9 დოლარი გახდა. ეს ნიშნავს, რომ ამ კრიტერიუმებით კიდევ მილიონობით ადამიანი აღმოჩნდება სიღარიბის ზღვარს მიღმა.
მსოფლიო ბანკის პრეზიდენტის ჯიმ ენ კიმის განცხადებით, გადაწყვეტილება სიღარიბის ზღვრის აწევის შესახებ მიღებულ იქნა რიგი გარემოებების გათვალისწინებით – ეს არის მსყიდველობითუნარიანობის დაქვეითება ზოგადად მთელ მსოფლიოში და მონაცემები იმის შესახებ, როგორ ცხოვრობენ ადამიანები უღარიბეს ქვეყნებში და განსაკუთრებით, როგორია მათი სამომხმარებლო კალათი.
პრეზიდენტი ამბობს, რომ ღარიბ ადამიანს ახლა თავის სარჩენად სჭირდება ყოველდღიური შემოსავალი 1,9 აშშ დოლარის ოდენობით, რათა შეძლოს შეიძინოს ის პროდუქტები, რასაც 1,25 დოლარად ყიდულობდა 2008 წელს.