ანაკლია-ზუგდიდის ცენტრალურ გზაზე სუპერმარკეტი გაქურდეს. ჯერჯერობით დაუდგენელმა პირებმა საცავიდან სხვადასხვა სახის პროდუქცია და ფული გაიტანეს.
წაღებულია თამბაქოს და ალკოჰოლური ნაწარმის დიდი ოდენობა. თუმცა, ზუსტად რა ზიანი მიადგა სუპერმარკეტის მფლობელებს, ცნობილი არ არის.
მათი ვარაუდით, ნაქურდალის რაოდენობიდან გამომდინარე, დანაშაულში მინიმუმ 3 ადამიანი მონაწილეობდა და მაღაზიის ვიტრინის ჩამტვრევიდან ნაქურდალის გატანამდე დროის დიდი შუალედი იყო.
გზის მოპირდაპირე მხარეს კამერებით აღჭურვილი ბენზინგასამართი სადგური მდებარეობს.