ამერიკელმა სენატორმა, საერთაშორისო ურთიერთობების კომიტეტის წევრმა კრისტოფერ მერფიმ მოუწოდა მსოფლიო თანამეგობრობას შეიმუშაონ კომპლექსური ღონისძიებები, რომლებიც უკრაინას შესაძლებლობას მისცემს არ დაუბრუნოს რუსეთს სამი მილიარდი დოლარი, რომელიც 2013 წელს ვიქტორ იანუკოვიჩმა მიიღო მისგან. როგორც მერფი აცხადებს, უკრაინა არ არის ვალდებული რაიმე დაუბრუნოს რუსეთს და საერთაშორისო საზოგადოება უნდა დაეხმაროს მას სამართლებრივად გაამყაროს თავისი უარი დავალიანების გადახდაზე.
ვრცელდება ინფორმაცია, რომ სენატის კომიტეტს უკვე დაგეგმილი აქვს შეხვედრა დახურულ კარს მიღმა საერთაშორისო სავალუტო ფონდის დირექტორთან უკრაინის დავალიანების საკითხთან დაკავშირებით, რაც რუსეთის პოლიტიკურ წრეებში შეშფოთებას იწვევს.
შეგახსენებთ, უკრაინაში ვიქტორ იანუკოვიჩის მმართველობის დროს აღებული ამ სამმილიარდიანი ვალის სრული დაფარვის ვადა დეკემბერში იწურება. კიევში არაერთხელ განაცხადეს, რომ მუშაობენ ვალის რექტრუქტურიზაციისათვის, თუმცა მოსკოვი არ აპირებს დათმობაზე წასვლას. აგვისტოში უკრაინის ხელისუფლებამ მიაღწია შეთანხებას თავისი სხვა დავალიანებების რესტრუქტურიზაციის შესახებ თავის საერთაშორისო კრედიტორებთან, მას ჩამოეწერა ვალების 20 პროცენტი, ხოლო დარჩენილი დავალიანების გადახდა გადავადებულ იქნა. მაგრამ იმ შემთხვევაში საქმე ეხებოდა კომერციულ ვალებს, ხოლო ვალდებულება რუსეთის წინაშე სახელმწიფო ვალად ითვლება და უკრაინაში იბრძვიან იმისათვის, რომ რუსეთისგან აღებული ვალიც კერძო ვალებს მიეკუთვნოს, რადგან იგი პირადად ვიქტორ იანუკოვიჩმა აიღო.