ზუგდიდში 27-28 სექტემბერს ტარდება შინაური ცხოველების (ძაღლი, კატა) უფასო პროფილაქტიკური ვაქცინაცია. დაინტერესებულ პირებს ოთხფეხა მეგობრებთან ერთად შეუძლიათ მიმართონ სურსათის ეროვნული სააგენტოს სამეგრელო-ზემო სვანეთის რეგიონულ ოფისს მისამართზე გამსახურდიას ქ. მე -2 შესახვევი #4
ვაქცინაცია ზუგდიდში არის ნაწილი საქართველოში ცოფთან ბრძოლის საერთაშორისო დღესთან დაკავშირებით დაგეგმილი კამპანიისა, რომელსაც ატარებს სურსათის ეროვნული სააგენტო თბილისსა და საქართველოს რეგიონებში
შეგახსენებთ, ცოფი მწვავე ინფექციური დაავადებაა, რომელიც გადადის დაავადებული ცხოველების დაკბენით, დაკაწვრით ან დადორბვლით. ცოფით ავადდება ადამიანიც.
ცხოველების დასაცავად აუცილებელია მათი ყოველწლიური ვაქცინაცია.
დამატებითი ინფორმაციისათვის დარეკეთ ცხელ ხაზზე: 291 91 68.