ავღანეთში დაღუპული ქართველი ჯარისკაცი, ვასილ ყულიჯანაშვილი ბაგრამის საავიაციო ბაზიდან ამერიკული სამხედრო თვითმფრინავის სპეციალური რეისით ჩამოასვენეს.
თბილისის სამთავრობო აეროპორტში იმყოფებიან სამხედრო მოსამსახურის ოჯახის წევრები, საქართველოს პრეზიდენტი გიორგი მარგველაშვილი, თავდაცვის მინისტრი თინათინ ხიდაშელი, გენერალური შტაბის უფროსი ვახტანგ კაპანაძე, შინაგან საქმეთა მინისტრი თემურ მღებრიშვილი, პარლამენტის ვიცე სპიკერი ზვიად ძიძგური, საქართველოს პრეზიდენტის ადმინისტრაციის წარმომადგენლები.
აეროპორტში განთავსებულია საპატიო ყარაული, ასევე საქართველოს შეირაღებული ძალების ეროვნული გვარდიის სამხედრო-საჩვენებელი ორკესტრი.
შემძრა სიმამაცემ, რომელიც გამოავლინა რიგითმა ყულიჯანაშვილმა, – განაცხადა საქართველოში აშშ-ის ელჩმა იან კელიმ, რომელიც თბილისის საერთაშორისო აეროპორტში განუცხადა, ავღანეთში დაღუპული ქართველი სამხედროს ვასილ ყულიჯანაშვილის ჩამოსვენებას ესწრება.
ვასილ ყულიჯანაშვილს აეროპორტიდან რუსთავში, საკუთარ სახლში გადაასვენებენ. იგი დაიკრძალება 29 სექტემბერს