საინფორმაციო სააგენტო ,,აფსნი რუ-ს ცნობით, დღეს დილით, დაახლოებით 11. 00 საათზე ქალაქ გალში, რუსთაველის ქუჩაზე საავტომობილო ავარია მოხდა – სასწრაფო დახმარების მანქანასა და ,,მერსედესის’’ მარკის ავტომანქანას შორის შეჯახებას 6 ადამიანი ემსხვერპლა, მათ შორის გალის კლინიკური საავადმყოფოს მთავარი ექიმის მოადგილე ლია ჩქოტუა, მედდა თეა ჭედია, პაციენტი ნიურა ხასაია და მისი ოჯახის წევრი. დაღუპულია ასევე მსუბუქ ავტომანქანაში მსხდომი ორი ადამიანი, კრიტიკულია სასწრაფო დახმარების მძღოლის მდგომარეობა.
სავარაუდოდ, ავარიის მიზეზი გადაჭარბებული სიჩქარე გახდა.
განსხვავებული ვერსია ვრცელდება სააგენტო ,,აბხაზია ინფორმის’’მიერ, ამ ვერსიით გარდაცვლილია 3 ადამიანი.
,,ოდიში ნიუსის'' წყაროები გალიდან კი ამბობენ, რომ შეჯახება არ მომხდარა, გადაჭარბებული სიჩქარით მოძრავი სასწრაფო დახმარების მანქანა შემხვედრი მანქანისათვის გვერდის ავლის მცდელობისას გადაბრუნდა და ტროტუარზე ამოყირავდა. გარდაცვლილია ოთხი ადამიანი, დაშავდნენ გამვლელებიც, ერთ მათგანს ფეხი აქვს მოტეხილი