დავასუფთაოთ საქართველო – ასე ჰქვია კამპანიას, რომელიც დღეს იწყება საქართველოში და 3 დღეს გასტანს. ეს მასშტაბური აქცია ჩვენში უკვე მეექვსედ ტარდება და ეხმიანება საერთაშორისო კამპანიას ,,დავასუფთაოთ მსოფლიო’’, რომელიც გარემოს დაცვითი პროგრამის (UNEP) ინიციატივით დაფუძნდა 1992 წელს და ემსახურება მყარი საყოფაცხოვრებო ნარჩენებით დაბინძურებული გარემოს დასუფთავებას. დღეისათვის ამ კამპანიაში მსოფლიოს 135 ქვეყანააა ჩართული.
როგორც ხობიდან გვაცნობეს, დღეს დილიდან აქციაში ხობის მუნიციპლიტეტის საჯარო მოხელეები და მოხალისეები ჩაერთვნენ, დასუფთავდა ადმინისტრაციული შენობების, სკოლებისა და საბავშვო ბაღების მიმდებარე ტერიტორიები და სკვერები.