მოსამართლე ლაშა ჩხიკვაძის გადაწყვეტილებით  ტელეიმედისა და რიყის ტერიტორიის გასხვისების საქმეზე სხდომა  ხვალ, 12.00 საათამდე გადაიდო. ამით მოსამართლემ დააკმაყოფილა   გიგი უგულავას და მისი ადვოკატების შუამდგომლობა, რომელშიც ისინი  სხდომის გადადებას ითხოვდნენ იმ მიზეზით, რომ დღეს 17.00 საათზე დანიშნულია საკონსტიტუციო სასამართლოს გადაწყვეტილების საფუძველზე გიგი უგულავას პატიმრობის შეწყვეტასთან დაკავშირებული სხდომა, მათ კი მოსაგვარებელი აქვთ ტექნიკური დეტალები, რისთვისაც დრო სჭირდებათ. თავის მხრივ გიგი უგულავამ განაცხადა, რომ დღეს საბოლოო სიტყვას ვერ იტყვის და მისთვის პრიორიტეტს წარმოადგენს  17 საათზე დანიშნული პროცესი.

მოსამართლე ლაშა ჩხიკვაძემ განმარტა, რომ ვინაიდან საკონსტიტუციო სასამართლოს გადაწყვეტილების შემდეგ ადვოკატების შუამდგომლობის საფუძველზე დანიშნული პროცესი თავისი მნიშვნელობით დღესვე დასრულდება, არსებობს შესაძლებლობა, რომ დაცვის მხარემ დასკვნითი სიტყვა ხვალ წარმოთქვას. 
შესაბამისად, პროცესი ხვალ, 12.00 საათზე დაცვის მხარის დასკვნითი სიტყვის წარმოთქმით გაგრძელდება.