საქართველოს თავდაცვის სამინისტრო ეხმაურება მედიაში გავრცელებულ ცნობას, რომლის თანახმად რუსეთის სამხედრო თვითმფრინავები სირიის მიმართულებით საქართველოს საჰაერო სივრცის გამოყენებით შეიძლება გადაადგილდებოდნენ. სამინისტრო ავრცელებს სპეციალურ განცხადებას, რომელშიც ნათქვამია, რომ ,,სამხედრო ან ორმაგი დანიშნულების ტვირთების საქართველოს საჰაერო სივრცის გავლით გადაზიდვასთან დაკავშირებით რუსეთის ფედერაციას საქართველოსთვის 2008 წლის აგვისტოს რუსეთ-საქართველოს ომის შემდეგ არ მოუმართავს.
ამგვარი მომართვის შემთხვევაში, საქართველოს თავდაცვის სამინისტროს პოზიცია რუსეთის ფედერაციის სამხედრო თვითმფრინავების ფრენებთან ან სამხედრო ან ორმაგი დანიშნულების ტვირთის საჰაერო გადაზიდვასთან დაკავშირებით, იქნება უარყოფითი", -აღნიშნულია განცხადებაში.