პარტია „ქართული ოცნება დემოკრატიული საქართველო“ კოალიციას ტოვებს და 2016 წლის საპარლამენტო არჩევნებში მონაწილეობას დამოუკიდებლად მიიღებს. ამის შესახებ გამოცემა „ახალ თაობასთან“ ინტერვიუში ყოფილი დეპუტატი ვალერი გელბახიანი საუბრობს. დეპუტატის განცხადებით, ამას რამდენიმე მიზეზი აქვს. „პარტია „ქართული ოცნება დემოკრატიული საქართველო 2016 წლის საპარლამენტო არჩევნებში კოალიციის სახით აღარ მიიღებს მონაწილეობას და ის არჩევნებზე როგორც დამოუკიდებელი სუბიექტი ისე იქნება წარმოდგენილი. ხოლო რაც შეეხება კოალიციაში შემავალ პარტიებს, მათგან გარკვეული პიროვნებები შესაძლოა გაწევრიანდნენ „ქართულ ოცნებაში“. ჩემს ხელთ არსებული ინფორმაციის თანახმად, „ქართული ოცნები“ დამოუკიდებლად მონაწილეობა უკვე გადაწყვეტილია და ახლა იმაზე მიდის მსჯელობა, ვინ იქნება მათი საარჩევნო სიის პირველი ნომერი“ – განაცხადა გამოცემა „ახალ თაობასთან“ ინტერვიუში ყოფილმა დეპუტატმა ვალერი გელბახიანმა. ამ დროისთვის არსებული ინფორმაციის თანახმად შესაძლოა პარტიის სიის პირველი ნომერი ყოფილი პრემიერ-მინისტრი ბიძინა ივანიშვილი გახდეს