ტელეკომპანია იმედზე განახლებული პოლიტიკური თოქ-შოუს წამყვანად ჟურნალისტი ირაკლი იმნაიშვილი მოიაზრება. აღნიშნული ინფორმაცია ცოტა ხნის წინ გარვცელდა. ამ დროისთვის არსებული ინფორმაციის თანახმად, ტელეკომპანია "იმედი" მოლაპარაკებას ჟურნალისტთან უკვე აწარმოებს და გადაწყვეტილება უახლოეს პერიოდში იქნება მიღებული. ირაკლი იმნაიშვილი ამჟამად BBC-ში მუშაობს, მას პოლიტიკური ადაცემები საქართველოშიც მიჰყავდა – პირველ არხზე და ტელეკომპანია მზეში, სადაც გადაცემა ზურაბ ჟვანიას გარდაცვალების თაობაზე გაკეთებული პირდაპირი ეთერის შემდეგ დაუხურეს. ირაკლი იმნაიშვილი ტელეკომპანია იმედისგან შემოთავაზებაზე კომენტარს ჯერ არ აკეთებს, რაც შეეხება იმედის ოფიციალურ პოზიციას – არხის გენერალური დირექტორი გიორგი ბახტაძე ჟურნალისტების სატელეფონო ზარებს არ პასუხობს.