ერთი საათის წინ უკვე ტრადიციად ქცეული დაგვიანებით დაიწყო პარლამენტის საშემოდგომო სესიის პირველი პლენარული სხდომა, რომელიც 13:00 საათისთვის იყო დანიშნული.
პარლამენტის სხდომა პოლიტიკური განცხადებებით იწყება, რომელსაც ბიუროს გადაწყვეტილებით, ერთი საათი დაეთმობა.
დღევანდელი პლენარული სხდომის დღის წესრიგის მთავარი საკითხი "ეროვნული ბანკის შესახებ" კანონში განხორციელებულ ცვლილებებზე პრეზიდენტის მიერ გამოყენებული ვეტო და პარლამენტისთვის მის მიერ შეთავაზებული პროექტია.
უმრავლესობა პრეზიდენტის შენიშვნების და კანონპროექტის გაზიარებას არ აპირებს და ვეტოს დაძლევისთვის ემზადება.